អតីតអ្នកប្រដាល់មិនដែលចាញ់ Floyd Mayweather មានគម្រោងថ្មីមួយក្នុងឆ្នាំថ្មី២០១៧ ដោយគ្រោងទៅលេងនៅទីក្រុង Leicester, Liverpool និងទីក្រុងឡុងដុង ប្រទេសអង់គ្លេស នៅខែមិនាខាងមុខនេះ។
Floyd Mayweather
តាមគ្រោងដំណើរទស្សនកិច្ចនេះ ក៏មិនខុសគ្នាពីឆ្នាំមុនដែរ ដោយ Floyd នឹងនិយាយក្នុងបទសម្ភាសន៍មួយជាមួយអតីតម្ចាស់ខ្សែក្រវាត់ពិភពលោក Johnny Nelson (អ្នកសម្ភាសន៍) នៅលើឆាក នាប្រទេសអង់គ្លេស។ អ្នកគាំទ្រអាចទិញសំបុត្រចូលទស្សនាបាន ដែលមានតម្លៃ ៤០ផោនមើលពីចម្ងាយ និងសំបុត្រ VIP តម្លៃ១០០០ផោន (ជិត១២៣០ដុល្លារ) អាចជួប Floyd ផ្ទាល់បាន១៥នាទី និងអាចថតរូបជាមួយទៀតផង។
Floyd ពាក់អាវស្ទីល Michael Jackson អបអរឆ្នាំថ្មី
Floyd បានប្រកាសចូលនិវត្តន៍ កាលឆ្នាំ២០១៥ បន្ទាប់ពីវ៉ៃ៤៩ប្រកួត ឈ្នះទាំង៤៩ និងវ៉ៃឈ្នះ Andre Berto នៅប្រកួតចុងក្រោយ។ អតីតកំពូលអ្នកប្រដាល់អាមេរិករូបនេះ កំពុងតែលេចឮពាក្យចចាមអារ៉ាមថា អាចនឹងត្រឡប់ឡើងសង្វៀនជាថ្មី វ៉ៃជាមួយ Manny Pacquiao ម្ដងទៀតផងដែរ៕
ប្រភព៖ Mirror
Blogger Comment
Facebook Comment