ក្រុមបាល់ទាត់ជម្រើសជាតិកម្ពុជា នឹងធ្វើការប្រកួតមិត្តភាពអន្តរជាតិជាមួយក្រុមជម្រើសជាតិអារ៉ាប៊ីសាអ៊ូឌីត នៅថ្ងៃអង្គារទី១៤ ខែមករា ឆ្នាំ២០១៧។ នេះបើយោងតាមប្រភពពីគេហទំព័រផ្លូវការរបស់ FIFA។
ជម្រើសជាតិកម្ពុជា
យ៉ាងណាក៏ដោយ ទីតាំង និងពេលវេលានៃការប្រកួតរវាងក្រុមទាំង២ នៅមិនទាន់បានបញ្ជាក់ឲ្យដឹងនោះទេ។ បើទៅមើលលើប្រវត្តិជួបគ្នា (Head to head) ផ្អែកទៅលើប្រភពព័ត៌មានលើគេហទំព័រ សហព័ន្ធបាល់ទាត់ពិភពលោក បង្ហាញថា កម្ពុជា មិនធ្លាប់ប៉ះគ្នាជាមួយអារ៉ាប៊ីសាអ៊ូឌីតឡើយ មានន័យថាការប្រកួតថ្ងៃទី១៤ ខែមករាខាងមុខគឺជាការជួបគ្នាលើកដំបូងក្នុងប្រវត្តិសាស្ត្រ។
អារ៉ាប៊ីសាអ៊ូឌីត គឺជាក្រុមដ៏ខ្លាំងមួយប្រចាំទ្វីបអាស៊ីដោយបច្ចុប្បន្នឈរចំណាត់ថ្នាក់ លេខ៥៤នៅ FIFA Ranking ខណៈកម្ពុជាឈរនៅលេខ ១៧៣។ ក្រុមជម្រើសជាតិដែលមានរហស្សនាមថា ស្ទាំងបៃតង (Green Falcon) ធ្លាប់បង្ហាញខ្លួននៅ World Cup ជុំផ្ដាច់ព្រ័ត្រចំនួន៤ដង និងឈ្នះពានបាល់ទាត់ជើងឯកអាស៊ី (Asian Cup) ចំនួន៣ដង៕
Blogger Comment
Facebook Comment