ស្រ្ត៊រប៊ឺរីពណ៌ក្រហមជាប្រភេទផ្លែឈើម្យ៉ាង ដែលមានរូបរាងស្រស់ស្អាតគួរឱ្យចង់ ទទួលទាន។ ក្រៅពីមានរូបខាងក្រៅ ស្រស់ស្អាតហើយ វាក៏ត្រូវបានគេចាត់ទុកថា ជាផ្លែឈើមួយដែលមានគុណប្រយោជន៍ខ្ពស់ ក្នុងការជំនួយសុខភាពរាងកាយ របស់យើងផងដែរ។ ផ្លែស្រ្ត៊រប៊ឺរី មានគុណសម្បត្តិខាងផ្នែកសុខភាព ៦យ៉ាងសំខាន់ៗដូចជា៖
១. ជួយថែទាំភ្នែក៖ បញ្ហាទាក់ទងជាមួយនឹងកែវភ្នែកមួយភាគធំ គឺបណ្តាលមកពី រ៉ាឌីកាល់សេរី និងកង្វះសារជាតិចិញ្ចឹម។ ត្រូវនឹងផ្លែស្រ្ត៊រប៊ឺរី មានវីតាមីនC អាស៊ីតLavonia Patapsco អាស៊ីតPhenolic និងអាស៊ីតValenzuela ដែលអាចជួយកាត់បន្ថយដំណើរការមិនប្រក្រតីផ្សេងៗរបស់ភ្នែក។ ក្រៅពីនេះ វាក៏មានផ្ទុកប៉ូតាស្យូម ជួយរក្សាស្ថេរភាពសម្ពាធឈាមនៅក្នុងភ្នែក ឱ្យមានសភាពធម្មតា។ ជួយការពារនៅពេលដែលយើងមានវ័យចំណាស់ ឬពេលដែលភ្នែកឆ្លងមេរោគនានា។ លើសពីនេះទៅទៀត ភាពចាស់ធ្វើឱ្យសាច់ដុំភ្នែកកាន់តែយ៉ាប់យ៉ឺន ផ្លែស្រ្ត៊រប៊ឺរីក៏អាចជួយបានយ៉ាងល្អ។
២. ការការពារជម្ងឺរលាកសន្លាក់៖ ស្រ្ត៊រប៊ឺរីអាចជួយបណ្តេញសារធាតុប្រឆាំង អុកស៊ីតកម្ម និងជាតិពុល ព្រមទាំងជួយបន្ថែមជាតិខ្លាញ់នៅក្នុងសន្លាក់។ ក្រៅពីនេះ វាក៏ជួយការពារជម្ងឺផ្សេងៗ ក្នុងករណីរាងកាយរបស់យើងកាលណា សាច់ដុំធ្វើការជា ប្រចាំសារធាតុរាវនៅក្នុងសន្លាក់ឆ្អឹងនឹងបាត់បង់បន្តិចម្តងៗ ធ្វើឱ្យឆ្អឹង សន្លាក់ស្ងួតឡើងៗ និងចុះជាតិអាស៊ីតអ៊ុយរិក បង្កជាជម្ងឺរលាកសន្លាក់ថែមទៀតផង។
៣. ប្រឆាំងជម្ងឺមហារីក៖ ការបរិភោគផ្លែស្ត្រ៊រប៊ឹរីជារៀងរាល់ថ្ងៃ អាចធ្វើឱ្យកោសិកា មហារីក និងដុំសាច់មហារីកត្រូវបានកាត់បន្ថយ ដោយសារតែសារធាតុប្រឆាំង អុកស៊ីតកម្មដូចជាវីតាមីន C ជាតិអាស៊ីដ folate ជាដើម មានច្រើននៅក្នុងផ្លែស្ត៊រប៊ឺរី។
៤.លើកកម្ពស់មុខងាររបស់ខួរក្បាល៖ វីតាមីនC ផ្ទុកនៅក្នុងផ្លែស្ត្រ៊រប៊ឺរី អាចកម្ចាត់រ៉ាឌីកាល់សេរីអាក្រក់យ៉ាងមានប្រសិទ្ធភាព ជួយដល់ប្រព័ន្ធសរសៃប្រសាទ មានផ្ទុកអ៊ីយ៉ូតជំនួយខួរក្បាល និងជំនួយមុខងារប្រព័ន្ធប្រសាទ ឱ្យកាន់តែមានប្រសិទ្ធភាពខ្ពស់ទ្វេរដង។
៥.បញ្ចុះសម្ពាធឈាម៖ ផ្លែស្ត្រ៊រប៊ឺរី មានផ្ទុកសារធាតុប៉ូតាស្យូម និងម៉ាញ៉េស្យូម ដែលជួយគ្រប់គ្រងសម្ពាធឈាមឱ្យស្ថិតនៅក្នុងសភាពធម្មតា មិនបង្កឱ្យជាតិសូដ្យូម ឡើងខ្ពស់ ដែលជាបុព្វហេតុនៃការឡើងសម្ពាធឈាមខ្ពស់នោះទេ។
៦.ការពារជម្ងឺបេះដូង៖ ស្ត្រ៊រប៊ឺរីមានជាតិសរសៃអាហារខ្ពស់ និងមានអាស៊ីតហ្វូលីកប្រឆាំងអុកស៊ីតកម្មច្រើនក្រៃលែង។ ជួយកាត់បន្ថយកម្រិតកូឡេស្តេរ៉ុលក្នុងរាងកាយ ឯវីតាមីនB នៅក្នុងផ្លែស្ត្រ៊ប៊ឺរី ក៏ជួយពង្រឹងកោសិកាសាច់ដុំបេះដូងរបស់យើងផងដែរ៕
Blogger Comment
Facebook Comment