ក្រុមម្ចាស់ផ្ទះបឹងកេតអង្គរអស់ឱកាសឡើងទៅកាន់វគ្គផ្តាច់ព្រ័ត្រនៃពានរង្វាន់ Toyota Mekong Club Championship ឆ្នាំ២០១៦ហើយ បន្ទាប់ពីក្រុមជើងឯកលីគកំពូលឡាវ Lanexang United បានបំបាក់ដោយលទ្ធផល ៣-០ នៅវគ្គពាក់កណ្តាលផ្តាច់ព្រ័ត្រ។
ក្រុម បឹងកេតអង្គរ
ការប្រកួត៤៥នាទីដំបូង ក្រុមម្ចាស់ផ្ទះបឹងកេតអង្គរមិនអាចធ្វើអ្វីលើក្រុមភ្ញៀវបានឡើយ ហើយឱកាសបណ្តើរបាល់ចូលតំបន់គ្រោះថ្នាក់របស់គេក៏មិនសូវមានថែមទៀត។ ផ្ទុយទៅវិញ Lanexang ជាអ្នកគ្រប់គ្រងបាល់បានច្រើន និងស៊ុតជាលើទីរបស់បឹងកេតជាច្រើនលើក។ ទីបំផុតក្រុមជើងឯកឡាវបានស៊ុតចូលទីបឹងកេតបានសម្រេច២គ្រាប់ដោយប្រធានក្រុម Vongchiengkham នៅនាទីទី៣៩ និង Khochalern នៅនាទីទី៤៥+២។
ចំពោះការប្រកួតវគ្គទី២ ម្ចាស់ផ្ទះបឹងកេតបានព្យាយាមវាយសម្រុកយ៉ាងខ្លាំង និងមានឱកាសជាពីរទៅបីលើក ប៉ុន្តែខ្សែប្រយុទ្ធបានស៊ុតខុសគោលដៅពោលគឺបាញ់ឡើងលើ ខណៈក្រុមភ្ញៀវបានវាយបកម្តងម្កាលដែរ និងនៅនាទីទី៨១ស៊ុតបាន១គ្រាប់ទៀត។ ចប់ការប្រកួតបឹងកេតអង្គរចាញ់ Lanexang United ដោយលទ្ធផល ៣-០។
ក្រុម Lanexang United
ដូច្នេះបឹងកេតអង្គរបានស្ថិតនៅចំណាត់ថ្នាក់លេខ៣ដោយត្រូវទទួលបានប្រាក់រង្វាន់៣ម៉ឺនដុល្លារអាមេរិក ខណៈក្រុមជើងឯកឡាវ Lanexang United បានឡើងទៅកាន់វគ្គផ្តាច់ព្រ័ត្រជួបក្រុមថៃ Burriram United ដើម្បីដណ្តើមជើងឯក៕
Blogger Comment
Facebook Comment